Cerita Lucu Manado

OPA

suatu saat ada seorang opa yg sedang bercerita deng dp cucu

opa : opa dulu waktu masi muda, itu org belanda opa hajar, orang jepang le, opa lawan
cucu : doh...opa pe hebat e..salut qta punya opa bagini, mar opa..deng G30SPKI bagaimana dank ?
opa :"opa terlibat!!!"

"Opa deng Tomat"

Di sekolah, Endi so terkenal lantaran amper tiap hari dia datang terlambat.
Kong suatu waktu lantaran so pasti Endi selalu terlambat maso, de pe Engku so jaga kong mo tanya apa lei depe alasan sampe dia terlambat maso skolah hari itu.

Engku : “Skarang apa lei ngana pe alasan terlambat maso sekolah pagi ini endi ?”
Endi : “Adoooh.., engku, kita pe keluarga ada musibah pagi ini.”
Engku : “Hmm… musibah apa ?”
Endi : “Tape Opa meninggal tadi pagi di kobong belakang”
Engku : “Ba apa so ngana pe Opa pagi-pagi di kobong ?”
Endi : “Tape mama ada suruh pete tomat for mo beking smokol, Eeeh.. tunggu-tunggu tape opa so nyanda muncul. Serta tape mama pi cek di kobong, tape Opa so kras di sei pohong tomat, kong tu tomat so ancor dia so tindis deng depe badan”
Engku : “Astagaaaaa….! Kong bagimana jo ngana pe mama waktu da lia ngana pe opa so dalam keadaan bagitu?”
Endi : “Mama langsung pigi di pasar ba beli tomat”
Engku : “???”

"Ojek"

Oma dari sanger baru sampe di pelabuhan Manado. 

Ada tukang ojek lia pa oma langsung ba singgah deng motor.

Tukang ojek : Ojek Oma ? Mari jo oma ....
Oma : Oh makase dang e (langsung ba bonceng)

Langsung tukang ojek bajalan, serta so ada 2 kilo bajalan tukang ojek ba tanya pa oma
 Tukang Ojek : Oma mo kamana ??

Oma : Hii... stau le pa ngana....ngana yang pangge ..

Tukang Ojek : ؟؟؟؟؟؟؟؟؟ 

"Pete Cingkeh"

Om Alo Dapa Tangka Habis pete Cingkeh,
Oom Alo deng Tante pasiar ke Luar Negeri.
Waktu so mo pulang, Oom deng Tante baborong sadiki Oleh-oleh for anak-2 deng tamang-2. 

Tante ta inga itu Oom pe sekretaris yang memang cukup bae-2 katu' pa Tante.
Tante pigi di stand B.H kong mulai pilih-pilih.
Oom Alo datang ba dekat kong tanya 

"hey Meitua kiapa ngana ambe nomor 34 sedangkan kita tau ngana pe nomor 38...?"
Tante katu bajawab : 

"bukang for kita ini kita mo beli kado for Mience ngana pe Sekretaris..."

Tu Oom Alo tanpa sadar dia jawab 

"oooh dia pe nomor bukang 34 mar 36.."

Haaa (Tante pe Taas langsung mandarat di Oom pe pipi)...

"Sedaaap ne Ngana kote tau persis kang? so lama kita mo cari tangka pa ngana..."

 "Cerita romantis Alo & Nonce"

Alo: syg, seandainya qta jadi bunga....
Nonce: kita jadi tangkainya..
Alo: syg, seandainya qta jadi rokok..
Nonce: kita jadi asbaknya...
Alo: syg, seandainya qta jadi roda..
Nonce: Seno, ngana jo tu jadi sapi!!!
ngana kira sadap mo hela pa Ngana !!!??????..... :D

"Valentine Day"

Pas valentine's day ungke pe uka kurang da sembut - sembut, kong utu tanya:
utu : ungke kyapa ngana sedih pas hari sayang bagini??
ungke ; napa kwa maitua ada kse akg bunga pa kita
utu : org laeng sanang dapa bunga, qta heran le kong ngana justru sedih!!
ungke : kalo bunga mawar,melati ato anggrek qt pasti sanang..
utu : kong bunga apa dang tu maitua da kase?
ungke ; BUNGA POPAYA..blh joooo... =(

 "Masih Basudara"

Ada nih tukang blante sapi dari Ratahan deng dari langowan bakudapa di pasar Kawangkoan. dorang baku kenal sambil jabat tangan
orang langowan : kita korompis.
orang Ratahan : kita Korompuk.
orang langowan: kalo bagitu basudara rek kami, satu puk dan satu pis... :D

 "Piara Ayam"
Om Tole piara Ayam....
Tiap hari om ja kase makan tu Ayam deng milu,
mar pas miLu abis jadi om suruh depe Anak,kase makan ubi Rebus jo,
Mar tu Ayam nyanda mo makan,
kong anak ba Lapor : "Pak... Napa Ayam nimau makang!!!
Om Tole langsung ba marah : "oh...klo bagitu bwa akang tu peda kamari, qta mo Lia tu Ayam mo makang ato nyanda.."
Pas dengar kata peda, Ayam so Tako kong Ayam langsung bataria :
"Sadiki le kwa...!! masih panas tre kwa nih Ubi" haha :D

“Lalar dan Nyamuk”
Lalar deng Nyamuk bacirita baku lawang jago, lantaran so maso istana raja.
LALAR: Muk, kmarin siang pas waktu makan siang, qt masO di istana raja...
NYAMUK: kong apa nga da bekeng, Lar??
LALAR: qt ba tera pa raja pe meja makan, kong qt jilat2 samua tu makanan: ada babi putar, ayam bakar, pokoknya samua qt jilat... uuuuh asyik skali, Muk...
NYAMUK: cuma bagitu Lar??
LALAR: qt lei ba tera pa raja pe gelas, qt isyap raja pe anggur, sampe qt pulang sadiki pusing...
NYAMUK: yaaahhh, cma bgtu Lar? Lar, qt kmarin sOre, qt masO istana raja, pas putri raja pe jam mandi...
LALAR: kong apa nga da bekeng, Muk?
NYAMUK: nga tw Lar, qt masO kamar mandi, ba tera pa putri pe dada kong qt isyaaap tu gunung kembar....
LALAR: kong Muuukkk...?
NYAMUK: qt pindah pa putri pe puru kong qt lei isyaap darah di pusa’...
LALAR: kooooooonnnggg Muuuuukkkkk.....??
NYAMUK: qt pindah pa putri pe pala2 kong lei qt isyaapp...
LALAR: oh tuhai... kong Muukkk???
NYAMUK: qt da talama di selangkangnya putri, susah mO tembus, mar akhirnya bOleh ta maso, kong qt isyaaap pe lama skali di situ, uuuuuhhhhh..... riki qt pulang malam...
LALAR: mate angko Muuuukkk,,,,
NYAMUK: kiapa Lar?
LALAR: oh tuhaiii.... sO badiri qt punya, Muuukkk....

HAHAHAHA..... bakusedu :D

"Maho"
alo pulang dari skola so mamanangis..
pas dia maso rumah depe papa tanya, alo kapa ngana manangis..???
kong alo jawab : di skola dorang bilang kita homo. kita manangis no pa!
papa : no kong kyapa ngana ndk pukul pa dorang dang??
alo bilang : no bagimana kwa dorang p muka imut imut samua.. hahaey ..:D

Baku Tinggi Pangkat Papa

Ale : "Kita pe papa waktu taong 1975, depe pangkat so Mayor. Skarang, so Mayjen."
Utu : "Ah..kalu kita pe Oom taong 1970 so Kolonel."
Ale : "Berarti so Jendral skarang kang ?"
Utu : "Nyanda, so meninggal."

Baku Piara
KEKE : "Utu tempo apa dang ngana mo kaweng pa kita, so malo kita orang lia lia so ba tinggal deng ngana? Bulan Oktober jo neh !"
UTU : "Oh ... nemboleh no! soalnya kita ada banya urusan dikantor bulan Oktober"
KEKE : "Kalo bagitu November jo dang."
UTU : "Adoh... kasiang jo pa ngana..... November kita mo ada pelantikan kenaikan pangkat"
KEKE : "Oh kalo bagitu Desember jo neh... biar rame"
UTU : "December kua talalo rame karna hari Natal, sabar jo... nanti January taong datang"
KEKE : "Oh... jangan January bahaya... ngana mo geger otak..."
UTU : "Dari mana ngana tahu... tukang ramal so ngana?"
KEKE : "Kita bukan tukang ramal... maar kalo so' bulan January kita mo beking picah deng botol ngana pe kapala..."
UTU : "!!/$@#?!!!"

Anj1ng Pintar

Dua orang wewene sementara baku-ambe akang dorang pe anj1ng-anj1ng. Nyanda ada diantara dorang yang mo mengalah, karena masing-masing basombong akang dorang pe anj1ng-anj1ng.

Wewene A: “Kita pe anj1ng hebat sekali. Tiap pagi dia so tunggu tu tukang koran di muka pintu. Bagitu tu tukang korang datang, Blacky langsung ambe tu koran kong kase pakita yang sementara smokol di meja makang”.

Wewene B: “Kita komang so tau do’ itu…”
Wewene A: (kage jaha) “Hah? Darimana dang ngana tau?”
Wewene B: “Kita pe Anj1ng yang cirita…” (Rasa ngana…hehehe)

Partai ke 49

Utu deng Ola ada bacirita serius soal pemilu yang lalu.
Utu : “Eh..Ola..ngana tau nyandak, kalu sebenarnya jumlah partai yang mo iko pemilu kalamaring bukang cuma 48, maar ada 49. Cuma tu satu nyanda dapa kase izin iko pemilu”
Ola : “Apa so tu partai itu ?”
Utu : “Partai Perempuan Indonesia”
Ola : “Kiapa kasiang dorang nyanda dapa kase iko pemilu?”
Utu : “Dorang nyanda dapa kase iko lantaran dorang pe lambang partai”
Ola : “Apa so dorang pe lambang partai?”
Utu : “Tantu katu lambang parampuang noh..!”
Utu : “Untung panitia pemilu nyanda kase ijin for dorang mo iko pemilu, kalu nyanda, samua pemilih laki-laki pasti cuma suka mo cucu tu partai itu”
Ola : “Bicara lagi lei ngana ta lempar deng sloop…!”
 

Kase Maso Ulang

Pulang dari greja, om Utu pe dua mata bangka deng' biru merah, sampe de pe istri kage skali...
Kong om Utu pe istri, tanta Mintje tanya "Utu, kiapa sampe bagitu tu' mata ?"
Om Utu : "Tadi kwa di greja samantara manyanyi, tiba tiba ada cewek fasung maso deng rok pendek skali, maar de pe rok dang', ada tamaso kadalam pa de pe panta, karna dia badiri pas pa kita pe muka, jadi kita hela akang de pe rok supaya rapi dang..., maar tu' cewek malah 'da tinju akang kamari 'tu mata sablah kiri..."
Tanta Mintje : "Maar, kiapa 'tu mata kanan bangka dang...?"
Om Utu : "Karna kita kira dia nyanda' suka 'da hela de pe rok, kong terpaksa kita kase maso ulang tu rok kadalang..., kong dia tinju tu mata sablah..."

Preman

di sebuah desa ada seorang preman yg ditakuti oleh masyarakat setempat
suatu hari si preman ingin berotobat dan dia pigi ke gereja
di gereja itu
pastor mulai berkhotbah

pastor : "Saudara saudari, sekarang ini yg harus kita takuti cuma 1 yaitu Tuhan kita yg diatas"

si preman takage, dan berpikir "pemar...dia nya tako pa qta dank"
lalu si preman berdiri dan berdehem " EHM EHM..."

pastor yg melihat itu langsung berujar
"deng dia le 1"